Заһир Бигиев «Өлүф, яки гүзәл кыз Хәдичә» детектив 12+

Кунакханәдә яшь сылу кыз Зөләйханең үле гәүдәсе табыла, тикшерү башлана. Шик Казанның яшь бае Муса Салиховка төшә. Муса Петербург университетын тәмамлый, әмма әтисе вафатыннан соң гаилә эшен дәвам итәргә, эшмәкәрлек белән шөгыльләнергә мәҗбүр. Петербургта укыган чорда ул әтисе белән Кырымнан килгән чибәр һәм укымышлы кыз Зөләйха белән очраша. Яшьләр бер- берсен ошата, алар арасында чын мәхәббәт уты кабына. Ләкин Мусаның өйләнешү турындагы тәкъдимен Зөләйханың әтисе кире кага. Бу вакыйгалардан соң бер ел уза. Сөйгәнен сагынуга түзә алмаган Зөләйха әнисенә әйтеп тормыйча,  Мусаны эзләп Казанга килә. Әмма бу минутка Мусаның ниятләре инде үзгәргән була. Казаннның иң бай кешеләреннән берсе кызы Хәдичәгә бирнә итеп йөз мең көмеш бирә. Кыз ярәшелгән, бер атнадан Мусаның никахы. Кунакханәдә очрашу вакытында ул бу турыда Зөләйхага әйтә һәм кызның әнисе янына Кырымга кайтыр өчен  акча тәкъдим итә. Дөнья ямен югалткан Зөләйха чарасызлыктан  үз-үзен атып үтерә. Мусаны алда зур сынаулар көтә.Чөнки Хәдичәнең бирнәсе аның  дусты  Габденнасыйрны да җәлеп итә.  Үз мәнфәгатьләрен кайгыртып ул Зөләйханың үлем алдыннан язган хатын яшерә һәм тикшерү эшләрен ялган юлга кертеп җибәрә .Шулай итеп, Муса төрмәгә эләгә. Ләкин ,нәтиҗәдә ,дөреслек таш ярып чыга – Зөләйханың үлем алдыннан әнисенә язган хаты табылып Муса иреккә чыгарыла, алар Хәдичә белән өйләнешләр.