«Ул кайтты»
Ә.Атнабаев
драма 12+
Тимербулатның Бөек Ватан сугышына китүенә күп еллар үтте.
Сугыш күптән тәмам.
Уллары Марат ул киткәч туды, әтисе улын бер тапкыр да күрмәде.
Хатыны Мәрзия ун ел ирен көткән.
Өметен югалтып ул Хәмиткә кияүгә чыга, бер-бер артлы өч бала туа.
Хәмит белән Мәрзия Тимербулатның әнисе Шәмсинурны ялгыз калдырмыйлар, аны кайгыртып яшиләр.
Хәбәрсез югалып чит илләрдә рәхимсез әсирлек, авыр юл газапларын кичергән каһарманның кайтуы аның гаиләсе, авылдашлары өчен нинди тетрәндергеч вакыйгага әверелде?
Дәһшәтле сугыш нәтиҗәләре күпме язмышларны имгәтте, һәр гаиләгә, һәр кешегә кагылды!
Без ул сугышның рәхимсез сабакларын истә тотарга һәм киләчәк буыннарга сөйләргә тиеш.