Бүген, 27 май – Бөтенроссия библиотекалар көнендә Г.Тукай исемендәге Минзәлә район китапханәсенең 125 еллык юбилее. Шул уңайдан шәһәрнең М.Җәлил исемендәге паркында ветераннар, җирле шагыйрьләр, җырчылар катнашында әдәби- музыкаль кичә узды. Театр артисты Рифат Хафизов үзешчән композитор А.Латыйповның “Йөрәк парын эзли” дигән җырын башкарды. Татарстанның халык артисты Рәзилә Муллина, театрның әдәби бүлеге мөдире Нурсибә Адиева әлеге чарада катнашты.
