17 майда Сабир Өметбаев исемендәге Минзәлә татар дәүләт драма театры Зөлфәт Хәким әсәре буенча «Хаталы хат» спектаклен күрсәтәчәк. Режиссер Булат Бадриев сүзләренчә спектакль мәхәббәт темасына багышланган. Ә жанры буенча мелодрама.
Төп тема белән бергә тамашачы гаилә һәм аның киләчәге турында фикер алышуларны ишетәчәк. Барысы да ике кешенең бер-берсенә карата мөнәсәбәтенә, аларның тугрылыгына һәм кичерү сәләтенә бәйле дигән фикер яңгыраячак.