Минзәлә театры үзенең милли җанлы җитәкчесе исемен мәңгеләштерүне максат итеп куеп “Роберт Шәймәрданов исемендәге Республикакүләм урта махсус уку йортларының театр коллективлары фестивален оештырды. Фестивальнең йомгаклау өлешенә республикабызның Минзәлә, Тукай, Түбән Кама, Әтнә, Норлат, Әлмәт районнары урта махсус уку йортларыннан 6 театр коллективы сайлап алынды. Аларның чыгышлары 31март, 2 апрельдә С.Өметбаев исемендәге Минзәлә татар дәүләт драма театры сәхнәсендә узды.
Фестиваль нәтиҗәләре буенча:
“Иң яхшы ир-ат роле” номинациясендә җиңүче — М.Фәйзинең “Галиябану” музыкаль драмасында Хәлил ролен башкарган Самат Сафиуллин Минзәлә шәһәре Гимназиясе
“Иң яхшы хатын -кыз роле” номинациясендә җиңүче — Галиәсгар Камалның “Беренче театр” комедиясендә Биби ролен башкарган Эльвина Зиннәтуллина Минзәлә медицина училищесы
Фестивальнең Дипломы, истәлекле бүләге белән бүләкләнделәр:
- Гөлүсә Кашапованың “Кызыл алмалар” композициясе белән катнашкан Тукай районы Күзкәй урта гомуми белем бирү мәктәбе, режиссеры Эльмира Кашапова.
- Галиәсгар Камалның “Беренче театр” комедиясе белән катнашкан Минзәлә медицина училищесы, режиссеры Илсөяр Кәримова.
- М.Фәйзинең “Галиябану” музыкаль драмасы белән катнашкан Минзәлә шәһәре гимназиясенең Рөстәм Муллин исемендәге “Сәяр” балалар театры, режиссеры Ленар Миннемуллин.
- М.Җәлил, Х.Туфан шигырьләрен кертеп “Шигъри театр” композициясе белән катнашкан Әлмәт политехник техникумы, режиссеры Зөлфия Камалова.
- Туфан Миңнуллинның “Ак тәүбә, кара тәүбә” музыкаль комедиясе белән катнашкан Минзәлә авыл хуҗалыгы техникумы, режиссеры Миләүшә Шәяхмәтова.
Фестивальнең Гран-Приы, Дипломы, истәлекле бүләге Алсу Хөсәенованың “ Табигать балалары” әкияте белән катнашкан Муса Җәлил исемендәге Минзәлә педагогия көллиятенә тапшырылды. Режиссерлары Диләрә һәм Рөстәм Зиннуровлар
