Россия цифрлар министрлыгы ташламаларга керүне җиңеләйтә торган яңа электрон сервис эшләтеп җибәрде. Хәзер Оборона министрлыгы линиясе буенча махсус хәрби операциядә катнашучылар үз статусын кәгазь белешмә белән түгел, ә федераль дәүләт хезмәтләренең мобиль кушымтасында QR-код ярдәмендә раслый ала. QR-код буенча театрларга, музейларга, концерт залларына, стадионнарга һәм башка мәдәният һәм спорт учреждениеләренә барырга мөмкин.
QR-кодны ничек алырга? Моның өчен «Госуслуги» мобиль кушымталы смартфон һәм ЕСИАның расланган хисап язмасы кирәк булачак.
Барысы да өч адымда эшләнә:
- Кушымтадан «СВО катнашучысы статусын раслау өчен QR-код»сервисын табыгыз.
- «Алырга»төймәсенә басыгыз.
- Система Оборона министрлыгы базасындагы мәгълүматларны автомат рәвештә тикшерәчәк. Әгәр мәгълүматлар туры килсә, экранда QR-код барлыкка киләчәк. Ул 5 минут эшли, шуннан соң аны яңадан «алырга»төймәсенә басып яңартырга кирәк
Шунысы мөһим: әгәр система сезнең мәгълүматларны тапмаса, кушымтада Оборона министрлыгының хәрби-хезмәт үзәге аша кәгазь белешмәне ничек рәсмиләштерергә кирәклеге турында киңәш барлыкка киләчәк.
QR-кодны ничек кулланырга?
- Ташламадан файдалану өчен, учреждение хезмәткәренә QR-кодны күрсәтегез. Ул аның дөреслеген «Госскан» сервисы аша үзенең «Госуслуги»кушымтасында тикшерәчәк. Тикшерү берничә секунд вакыт ала.
Яңа форматның төп өстенлекләре:
- Үзең белән Документлар йөртергә кирәкми — барысы да һәрвакыт сезнең телефонда.
- Тиз һәм уңайлы-кодны алу һәм аны тикшерү берничә минут вакыт ала.
- Ышанычлы һәм куркынычсыз — статус Оборона министрлыгының сакланган базалары буенча тикшерелә, ә шәхси мәгълүматлар шифрланган рәвештә тапшырыла. Килүләр турындагы мәгълүмат сакланмый һәм бары тик хезмәт хисабы өчен генә кулланыла.
Яңа сервис ташламалар алуны гадирәк һәм заманчарак итә, сезнең вакытны экономияли һәм документлар белән артык мәшәкатьләрдән коткара.