Туфан Миңнуллин Мәскәүдә Щепкин училищесын тәмамлап 1961 елда Минзәлә театрына артист булып эшкә кайта. 1962 елда Сабир Өметбаев аның “Безнең авыл кешеләре” дигән беренче әсәрен сәхнәгә куя. “Үз хаталарыңны күреп аңласын өчен куям. Тамашачыга автор беренче рәттә утыра, дип алдан әйтеп куям”,- ди Өметбаев. Тагын бер елдан Туфан Миңнуллин Казанга китеп бара. Истәлекләрендә һәрвакыт Сабир абыйны зурлап искә ала.
Алга таба Минзәлә сәхнәсендә Т .Миңнуллинның
“Китәр юлың еракмы?” (1985),
“Гармун белән скрипка” (1988),
“Безнең авыл Робинзоны” (1996),
“Җен алыштырган” (1998),
“Исәнмесез” (2003),
“Мулла” (2009),
“Шулай булды шул” (2023) әсәрләре куелды.