Минзәлә театрында Яңа ел программасына актив әзерлек эшләре бара. Яңа ел чаралары 20 декабрьдән башлана. Традиция буенча, ул икеләтә күңел ачу. Сәхнәдә И.Закиров сәхнәләштергән «Тавык кетәклегендә гауга, яки күңелле яшибез» әкияте һәм театр фойесында «Кызыл калфак. Яңару» чыршы тирәли тамаша булачак. Шулай ук Яңа ел каникуллары көннәрендә төрле яшьтәге тамашачылар өчен күңелләренә хуш килгән спектакльләр карарга мөмкин булачак.
