Яңалыклар

Чәк – чәкне яраттылар

Георгий Константинов исемендәге Йошкар –Ола рус Академия театры коллективы ике көндә Минзәлә театры бинасында барлыгы 6 – дүрт балалар, ике кичке спектакльләр белән чыгыш ясады. Ачык йөзле, югары профессиональ дәрәҗәдәге коллегаларыбыз тамашачылар күңеленә хуш килде.

“Минзәлә безгә бик ошады, моңарчы без Уфага гастрольләргә барышлый су буенда урнашкан кечкенә матур шәһәр, дип узып кына китә идек, хәзер исә ешрак килербез. Без яшьтәшләр диярлек, Йошка – Ола театры 1937 елда оешкан, залыбыз 600 урынлык, Минзәлә театры исә кечкенә булса да бик уңайлы, матур”, диде сәламләү сүзендә театр директоры Сергей Московцев.Минзәлә театры директоры Роберт Шәймәрданов зур кунакка милли түбәтәй кигереп, шәхси эшмәкәр Луиза Токарева пешергән чәк –чәкне бүләк итте. Икенче көнне Йошка –Ола артистлары бер –бер артлы күчтәнәчкә алып кайтырга чәк-чәккә заказларын яудырып кына торды.”Мондый тәмле чәк-чәкне бер җирдә дә татып караган булмады”, диделәр алар.

Олы йөрәкле, тәмле куллы Луиза ханым театрның күптәнге дусты, һәрвакыт спонсорлык ярдәме күрсәтә. Минзәләнең данын еракларга таратуга Луиза ханымның өлеше зур.”Чәк-чәкне без Мәскәүгә дә, Төркиягә дә, Төрекманстанга да бары тик үзебездә пешерелгәнен генә горурланып алып бардык, оста кулларыбыз бар”, диде директорыбыз Р.Ш.Шәймәрданов.

Нурсибә Адиева, театрның әдәби бүлеге мөдире | 01.02.2018
  • Премьералар
  • У.Шекспир «Макбет» трагедия 12+

    Режиссер – Сергей Потапов, Саха Республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреаты Рәссам – сценограф – Валерий Яшкулов, РФнең һәм Калмыкия Республикасының атказанган сәнгать эшлеклесе Костюмнар буенча рәссам – Чулпан Азаматова Хореография һәм пластика буенча режисссер - Нурбәк Батуллин, Россия Федерациясенең “Алтын битлек” милли театраль премиясе лауреаты Король Дунканның данын яклап күп җиңүләргә ирешкән шотланд рыцаре Макбетка өч сихерче фал ача : аңа Шотландия короле булырга язган! Ялган фалга һәм шөһрәт сөюче хатынына ышанып Макбет король Дунканны үтерә, улларын бу үлемдә гаепле итеп калдыра. Яшь варислар илдән качарга мәҗбүр була. Соңрак якын дусты, киңәшчесе Банконы да яллап үтертә һәм тәхеткә утыра. Канлы юл белән властька ия булган җинаятьченең күңеле тыныч түгел, аның күзенә бертуктаусыз үзе үтерткән дуслары күренә. Принцлар да тик ятмый, Макбетның ялганын фаш итеп тәхеткә дәгъва кыла. Макбет белән леди Макбет бер-берсеннән артык дан-шөһрәт яратып тайгак юлдан китәләр һәм кылган җинаятьләр өчен җавап тоту инде котылгысыз...

  • Ч.Айтматов "Җәмилә" мелодрама 12+

    Режиссер – Тимур Кулов Рәссам – Валерий Яшкулов, РФнең һәм Калмык республкасының атказанган сәнгать эшлеклесе Пластика буенча режиссер – Алина Мостаева Спектакль Бөек Җиңүнең 75 еллыгына багышланган. Әсәр унбиш яшьлек үсмер егет Сәет исеменнән сөйләнә. Алга таба ул талантлы рәссам буларак үсеп җитә.Вакыйгалар кыргыз авылында, Бөек Ватан сугышының өченче елы барган чорда бара. Җәмилә – Сәетнең абыйсы Садыйкның хатыны. Сылу, ягымлы, шаян Җәмилә беркемгә дә үзен рәнҗетергә бирми, кешеләргә ул һәрчак ачык йөзле. Килен булып төшкән нигезе ныклы, кайнанасы каты куллы, ләкин гадел хуҗабикә. Кешеләр җитмәү сәбәпле Җәмиләне станциягә икмәк ташырга куялар. Аның ярдәмчеләре – Сәет белән сугыштан яраланып кайткан Данияр. Бераздан Җәмиләнең күңеле Даниярга тартыла башлый. Туктаусыз яңгырларга киткән көннәрнең берсендә Данияр белән Җәмилә авылдан качалар. Җирле халык аларны төрлечә каргый. Бары тик Сәет кенә, аларның чиста мәхәббәте шаһите буларак, Җәмилә ягында була һәм ике йөрәкнең мәхәббәт тарихын башкаларга да җиткерәсе килә. Ул шәһәргә, рәссамлыкка укырга китәргә сорый.

  • Н.Анкилов «Солдат хатыны» драма 12+

    Режиссер – Дамир Сәмерханов, Д.Сираҗиев исемендәге премия лауреаты Рәссам – Сергей Рябинин Композитор – Азат Хөсәенов, ТРның атказанган сәнгать эшлеклесе Пластика буенча режиссер – Чулпан Аскарова,БРның атказанган артисты Спектакль Бөек Җиңүнең 75 еллыгына багышланган. Вакыйгалар ерак Себердәге “Яшел алан” колхозында, Бөек Ватан сугышы елларында бара. Мария Уварова һәм авылның башка хатын-кызлары ирләрен сугышка озатып, тылда хезмәт куялар. Коточкыч сынаулар – ачлык, хәерчелек, ирләренең үлем хәбәре – хәммәсен үз җилкәләрендә кичерәләр. Әсәрдә батырлык һәм хыянәт, якты киләчәккә ышаныч һәм рух төшенкелеге, чиксез мәхәббәт һәм үз-үзеңне корбан итү бер-берсенә үрелеп бара.

  • Дуслар
  • Сораштыру