Яңалыклар

Ирнең асылы эштә таныла.

Инде онытылып беткән жигуле транспорт - карета ясаган оста куллы шәхес белен аралашырга туры килде. Тыйнак холыклы, узе турында сөйләргә һич яратмый, hәp сүзне авызыннан тартып алырга кирәк.

      Гадәттә, вакытлы матбугаттагы язмаларда театр артистларына өстенлек бирелә, ә декоратор, ут куючы, оператор, сәхнә эшчелере гел арткы планда калып килә. Бу юлы традициядән бераз тайпылып, Сабир Өметбаев исемендәге Минзәлә татар дәүләт теат- рында хезмәт куючы Рәсүл Авзалов турында бәян итергә булдык.

    Беренче карашка, биографиясе бик гади аның: районыбызның Куян авылында туган, урта мәктәпне тәмамлаганнан соң, Бикбау авыл клубында эшләп алган. Аннары армия хезмәте, хезмәтен тутырып кайтканнан соң, Минзәлә төзелеш оешмасына машина йөртүче булып урнашкан. Әмма шушы еллар эчендә аның туплаган тормыш тәжрибәсе, һөнәри осталыгы һәркем сокланырлык.

    Рәсүл Авзаловның үзенчәлекле тембрлы тавышын сәнгать өлкәсе белән кызыксынган минзәләлеләр хәтерлидер. Буген ул сәхнәгә сирәк чыга, чөнки үзенә башка өлкәдә шөгыль тапкан:

- Егерме елдан артык мәдәният булегендә эшләдем, күбесенчә, “выездной” концертлар белән йөрдек. Хәзер инде дистә елга якын театрда реставрация цехы мөдире (элек декорация эшләү цехы дип атала иде) булып эшлим. Остазыма (кызганычка каршы ул инде мәрхүм) - Сергей Чемодуровка рәхмәтлемен, ул күп нәрсәгә өйрәтте үземне.

    XIX гасыр стилендә эшләнгән сәнгать әсәренә тиң каретаны, ат фигурасын күреп, спектакль карарга килгән тамашачы ah! итте. Шундый шәп килеп чыккан, эчендә җаны гына юк. Заманча әйткәндә, аңа тест-драйв уздыру өчен тере ат кына җитми. Нинди тәртиптә, нинди материаллардан ясадыгыз бу матурлыкны, дип кызыксынам:

- Иң беренче рәссам безгә сызымнар бирә һәм шуңа карап, кирәкле материаллар алына. Бу каретаны ясауга бик куп металл сарыф ителде. Бетен каркас тимердән эшләнде, яңадан фанера белән тышладык, изолон белән ябыштырып (бераз кабарып торсын өчен шулай эшләнә), күнне алыштыручы (кожезаменитель) материал белән тышладык. Инкурстация өчен бизәкләр исә үземнең идея, өйдә эшләнгәннәр иде алар. Фанерадан ясалган, брон¬за буяу белән буялган. Салонга килгәндә, карета нигезенә утыргычлар куйдык, велюр белән тышла¬дык, ут керттек, микрофон да бар. Тәгәрмәчләрне торбадан кисеп, бөгеп эшләдек. Эретеп ябыштыру эшләре дә башкары- ла. Былтыр театрга эшкә авылдашым Фердинас Бәдриев килде, бергәләп, килешеп эшлибез аның белән. Эшемнән канәгать, сәламәтлек кенә булсын”,- ди остакул.  

    Мастерскойны кереп карадык, анда салкынча, буяу, агач исе килеп тора. Һәрбер эшләнмә тигез итеп, җаилап куелган. Пеноплекс материалдан эшләнгән курчак фигуралар (араларында автомо¬биль моделе, матрешкалар да бар), алар Гжель ысулы белән бизәлгән.

    Волынка дигән музыка инструментын дә ясаган оста, анысын да горуланып курсәтте безгә.

- Элек өйдә мебельне дә узем ясый идем, хәзер аларны өйдә тотмыйбыз инде, яңаларын сатып алдык. (Аньң ясаган йорт җиһазларын, ишек аркаларын, гөлләр кую өчен ясалган җайланмаларын, ясалма чәчәкләр куел¬ган агач эшләнмәләрен үземнең дә күргәнем бар). Һәр агачның үз холкы, жылысы, исе бар. Йөрәк ялкыны, күңел жылысы кушылган агач эшләнмәдән - куна тактасымы ул, кием элгече, шкафмы - нур сирпелә, - дип дәвам итәбез әңгәмәне.

- Безнең эштә төгәллек, пөхтәлек, түземлелек зарур. Бизәк, орнамент уясыңмы, ишек ясыйсыңмы, миллиметры миллиметрга туры килергә, киселгән, ялгана-җыела торган деталь үз урынына кереп кенә утырырга тиеш. Чак кына читкә тайпылсаң да - эш харап: хилафлык килэ...

Бүгенге тормыш киләчәк турында уйларга да мәҗбүр итә. Марселье¬за ханым белән Рәсүл әфәнденең ике улы үсеп җиткән. Өлкәне - Рөстәм төзелеш буенча дурт еллык бакалавриатны тәмамлап, инде магистратурада укый, Рәсил исә унберенче сыйныфны тәмамлый. Ул да абыйсы кебек югары белем алырга омтыла. Улларының икесе дә этиләре кебек төрле музыка коралларында уйныйлар, музыка мәктәбен дә тәмамладылар, кыскасы үзләре бер ансамбль булырлык.

Әлфинә Воробьева "Минзәлә" газетасы №7 3 февраль 2016 ел | 09.02.2016
  • Премьералар
  • У.Шекспир «Макбет» трагедия 12+

    Режиссер – Сергей Потапов, Саха Республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреаты Рәссам – сценограф – Валерий Яшкулов, РФнең һәм Калмыкия Республикасының атказанган сәнгать эшлеклесе Костюмнар буенча рәссам – Чулпан Азаматова Хореография һәм пластика буенча режисссер - Нурбәк Батуллин, Россия Федерациясенең “Алтын битлек” милли театраль премиясе лауреаты Король Дунканның данын яклап күп җиңүләргә ирешкән шотланд рыцаре Макбетка өч сихерче фал ача : аңа Шотландия короле булырга язган! Ялган фалга һәм шөһрәт сөюче хатынына ышанып Макбет король Дунканны үтерә, улларын бу үлемдә гаепле итеп калдыра. Яшь варислар илдән качарга мәҗбүр була. Соңрак якын дусты, киңәшчесе Банконы да яллап үтертә һәм тәхеткә утыра. Канлы юл белән властька ия булган җинаятьченең күңеле тыныч түгел, аның күзенә бертуктаусыз үзе үтерткән дуслары күренә. Принцлар да тик ятмый, Макбетның ялганын фаш итеп тәхеткә дәгъва кыла. Макбет белән леди Макбет бер-берсеннән артык дан-шөһрәт яратып тайгак юлдан китәләр һәм кылган җинаятьләр өчен җавап тоту инде котылгысыз...

  • Ч.Айтматов "Җәмилә" мелодрама 12+

    Режиссер – Тимур Кулов Рәссам – Валерий Яшкулов, РФнең һәм Калмык республкасының атказанган сәнгать эшлеклесе Пластика буенча режиссер – Алина Мостаева Спектакль Бөек Җиңүнең 75 еллыгына багышланган. Әсәр унбиш яшьлек үсмер егет Сәет исеменнән сөйләнә. Алга таба ул талантлы рәссам буларак үсеп җитә.Вакыйгалар кыргыз авылында, Бөек Ватан сугышының өченче елы барган чорда бара. Җәмилә – Сәетнең абыйсы Садыйкның хатыны. Сылу, ягымлы, шаян Җәмилә беркемгә дә үзен рәнҗетергә бирми, кешеләргә ул һәрчак ачык йөзле. Килен булып төшкән нигезе ныклы, кайнанасы каты куллы, ләкин гадел хуҗабикә. Кешеләр җитмәү сәбәпле Җәмиләне станциягә икмәк ташырга куялар. Аның ярдәмчеләре – Сәет белән сугыштан яраланып кайткан Данияр. Бераздан Җәмиләнең күңеле Даниярга тартыла башлый. Туктаусыз яңгырларга киткән көннәрнең берсендә Данияр белән Җәмилә авылдан качалар. Җирле халык аларны төрлечә каргый. Бары тик Сәет кенә, аларның чиста мәхәббәте шаһите буларак, Җәмилә ягында була һәм ике йөрәкнең мәхәббәт тарихын башкаларга да җиткерәсе килә. Ул шәһәргә, рәссамлыкка укырга китәргә сорый.

  • Н.Анкилов «Солдат хатыны» драма 12+

    Режиссер – Дамир Сәмерханов, Д.Сираҗиев исемендәге премия лауреаты Рәссам – Сергей Рябинин Композитор – Азат Хөсәенов, ТРның атказанган сәнгать эшлеклесе Пластика буенча режиссер – Чулпан Аскарова,БРның атказанган артисты Спектакль Бөек Җиңүнең 75 еллыгына багышланган. Вакыйгалар ерак Себердәге “Яшел алан” колхозында, Бөек Ватан сугышы елларында бара. Мария Уварова һәм авылның башка хатын-кызлары ирләрен сугышка озатып, тылда хезмәт куялар. Коточкыч сынаулар – ачлык, хәерчелек, ирләренең үлем хәбәре – хәммәсен үз җилкәләрендә кичерәләр. Әсәрдә батырлык һәм хыянәт, якты киләчәккә ышаныч һәм рух төшенкелеге, чиксез мәхәббәт һәм үз-үзеңне корбан итү бер-берсенә үрелеп бара.

  • Дуслар
  • Сораштыру