Грантка ия булдык. [ 29.12.2015 ]
Безнең театр Татарстан Республикасының Театр Әһелләре Берлеге биргән грантына ия булды. Ул Бертольд Брехтның “Галилейның тормышы” драмасын сәхнәләштерү өчен махсус бирелде. Әсәрнең режиссеры – Дамир Сәмерханов. Рәссамы – Минзәлә театрының баш рәссамы, РФнең һәм Калмыкиянең атказанган сәнгать эшлеклесе Валерий Яшкулов.
Куанычлы хәбәр [ 21.12.2015 ]
Татарстан Республикасы хөкүмәтенең грантлары белән С.Өметбаев исемендәге татар дәүләт драма театры директоры, Татарстанның атказанган мәдәният хезмәткәре, С.Өметбаев исемендәге премия лауреаты Роберт Шәйхильевич Шәймәрданов “Иң яхшы җитәкче” номинациясендә; артист, “Тантана” театраль премиясе лауреаты Ильяс Закиров “Перспектива” номинациясендә бүләкләнделәр.
Җитәкчебезне һәм артистыбызны зур бүләкләре белән котлыйбыз!
Яңа уңышлар,сәламәтлек теләп калабыз.
Юбилеегыз уңаеннан кайнар котлыйбыз!!! [ 18.12.2015 ]
19 декабрьдә Татарстанның халык артисткасы , Минзәлә театрында 37 ел иҗат иткән олуг шәхес Илүсә Әхмәт кызы Бадриевага 75 яшь тула.
Илүсә апа. [ 18.12.2015 ]
ТУГАН КӨНЕГЕЗ КОТЛЫ БУЛСЫН! [ 18.12.2015 ]
18 декабрьдә Сабир Өметбаев исемендәге Минзәлә татар дәүләт драма театрының талантлы артисты ХАФИЗОВ РИФАТ РАЗИФ улының туган көне.
ТУГАН КӨНЕГЕЗ БЕЛӘН КОТЛЫЙБЫЗ!!! [ 16.12.2015 ]
16 декабрьдә Сабир Өметбаев исемендәге Минзәлә татар дәүләт драма театрының талантлы артисты ӘХМӘТҖАНОВ РУСЛАННЫҢ туган көне.
Юбилеегыз белән котлыйбыз!!! [ 14.12.2015 ]
Татарстанның атказанган артисты Мөнәвәрә Ибениәмин кызы Нигъмәтҗановага 2015 елның 4 декабрендә 85 яшь тулды
ФИДАКАРЬ ҖАН [ 12.12.2015 ]
Бөтен гомерен Минзәлә театрына багышлаган Мөслимә Гарифулла кызы Гарифуллинага 27 ноябрьдә 90 яшь тулды.
ИГЪТИБАР! ИГЪТИБАР! АШЫГЫГЫЗ! УРЫННАР САНАУЛЫ!!! [ 11.12.2015 ]
УРЫННАР АЛЫП КАЛЫРГА АШЫГЫГЫЗ!
БУШ КӨННӘР ҺӘМ ВАКЫТЛАР АЗ КАЛДЫ!!!
Режиссер – Дамир Самерханов,Д.Сираҗиев исемендәге премия лауреаты
Рәссам – Ленар Гыйльметдинов, ТРның атказанган сәнгать эшлеклесе
Композитор – Азат Хөсәенов, ТРның атказанган сәнгать эшлеклесе
Хореограф – Илдус Биктаһиров, ТРның атказанган мәдәният хезмәткәре
Җыр сүзләренең авторы – Фәрит Миргалимов
Без еш кына гади хакыйкәтьне онытабыз: булганын сакламыйбыз, ә югалткач елыйбыз. Һәрвакыт гаиләләрдә бер-берсенә җайлашулар була, ике хатын-кыз да – әнисе дә, хатыны да бер үк ир-атны ярата. Спектакльдә конфликтның бер ягы - улы Аязга гомер бүләк иткән әнисе, ә икенче ягы - яшь килене Сәгыйдә. Җәннәт беренче көннәрдән үк киленен кабул итми. Шуңа күрә теләсә нинди сәбәп эзләп яшь киленгә бәйләнә. Өметсезләнеп, Сәгыйдә ире өеннән китә. Тик бәхеткә, дуслары, Илдар белән Зарифа хәйлә белән гаиләне коткарып кала. Өйгә, янәдән, татулык, шатлык кайта.
Режиссер – Байрас Ибраһимов,ТРның һәм БРның атказанган сәнгать эшлеклесе, Д.Сираҗиев исемендәге премиясе лауреаты
Рәссам – Рөстәм Баймөхәммәтов
Костюмнар буенча рәссам – Алия Бәйрәмголыва
Композитор – Илшат Яхин,БРның атказанган сәнгать эшлеклесе
Хореограф – Чулпан Әскәрова, БРның атказанган артисты
Эх, яшь чаклар! Нинди гүзәл, рәхәт, гайрәтле вакытлар! Әҗмәгол агай кебек тагын бераз “батырлык”лар өстәп тә сөйләп җибәрсәң, яшь егет- җилкенчәкнең күңеленә “оеткы” салып та куйсаң! Бүген авылда Сабан туе! Әҗмәгол агайның хикәятләре белән канатланган гаярь егет Котлыәхмәт, үзе кебек кыю егетләр белән сөйләшеп авылның беренче чибәрен урлап алып кайтырга ниятли. Тик кәләш диеп урлап алып кайтканы.. юк, мондый борылышны һич көтмәгән иде Котлыәхмәт.
Режиссёр – Евгения Богинская
Хореограф – Нурбәк Батуллин, Россия Федерациясенең “Алтын битлек” милли театраль премиясе лауреты
Рәссам – Ильшат Вильданов
Без сезгә батырлык һәм гайрәтлелек, караңгыдан һәм тычканнардан курыкмаган балалар турында сөйләячәкбез.
Төп героиня, Мәрьям, исем атасы (крёстный) Дросселмер сөйли торган могҗизалы әкият дөньясына эләгә. "Син генә Щелкунчикны саклап кала аласың – нык һәм тугрылыклы бул».
Гофман әкиятенең тылсымлы дөньясы спектакльнең ике сюжет линиясендә тәкъдим ителгән. Төп сюжет линиясе булып Мәрьям һәм Щелкунчик тарихы тора. Өстәмә линия-Пирлипат принцессасы тарихы.
Спектакль өчен үзенчәлекле сценарий язылды, ул пластик күренешләрдән һәм кыска диалоглардан гыйбарәт.
Спектакльнең тукымасы тынлыктан, җырлардан, шакулардан, хәрәкәтләрдән, йөгерүдән, төрле сулыш алулардан, курку һәм аны җиңү моментларыннан эшләнгән.
