Язгы өмә [ 16.04.2016 ]
С.Өметбаев исемендәге татар дәүләт драма театры коллективы үзләренә беркетелгән К.Маркс һәм М. Җәлил урамнарын, “Театральный” скверын җыештыру буенча өмә үткәрде. Безнең театр бу көнне шау-гөр килеп торды. Һәркем тирә-якны чистартып, тәртипкә китерү өстендә эшләде. Кардан ачылып бетмәгән урыннарда кар тараттык, кипкән җирләрне тырмалап, себереп чүпләрдән арындырдык. Барысына да өлгереп бетә алмасак та күп эш башкарылды, ә алда әле безне тагын өмәләр көтә...
«Идел – йорт» янәдән дусларын җыйды [ 13.04.2016 ]
Быел “Идел – йорт” уналтынчы тапкыр уздырылды. Аның Минзәлә зонасына караган районнардан катнашкан үзешчән театр коллективларының чыгыш ясау дәрәҗәсе дә шактый үсеш кичергәнлеге аермачык күренде. Сарман, Актаныш,Минзәлә һәм Мөслим районнары вәкилләре, гадәттәгечә, сынатмадылар. Фестивальнең жюри рәисе булып озак еллар дәвамында Камил ага Саттаров эшләде. Быел исә аны драматург, танылган режиссер Гафур Каюмов алыштырды.
ТУГАН КӨНЕГЕЗ БЕЛӘН КОТЛЫЙБЫЗ! [ 11.04.2016 ]
11 апрель көнне Сабир Өметбаев исемендәге Минзәлә татар дәүләт драма театрының талантлы артисты ЛӘЙСӘН ӘХМӘТШИНАның туган көне.
Туган көнегез белән котлыйбыз! [ 9.04.2016 ]
9 апрель көнне Сабир Өметбаев исемендәге Минзәлә татар дәүләт драма театрының талантлы артисты ЧУЛПАН БӘДРЕТДИНОВАНЫҢ туган көне.
Сабир Өметбаев исемендәге Минзәлә татар дәүләт драма театры гастрольләргә китте. [ 8.04.2016 ]
С. Өметбаев исемендәге Минзәлә татар дәүләт драма театры коллективы Мамадыш районына Татар халкының бөек шагыйре Габдулла Тукайның 130 еллыгы уңаеннан оештырылган гастрольләргә китте.
ПРЕМЬЕРА [ 07.04.2016 ]
2016 елның 6 апрелендә Сабир Өметбаев исемендәге Минзәлә татар дәүләт драма театрында Г.Тукайның “Кәҗә белән Сарык” әсәренә нигезләнеп сәхнәгә куйган “Тапкыр Кәҗә турында әкият” дип исемләнгән курчак спектакленең премьерасы булды.
Театр тормышы [ 06.04.2016 ]
С.Өметбаев исемендәге Минзәлә татар дәүләт драма театры укучыларны, студентларны татар халкының бөек шагыйре Габдулла Тукайның 130 еллык юбилеена җәлеп итү максатыннан чаралар үткәрә башлады.
АНОНС! Вакыйга! [ 05.04.2016 ]
Татарстан Республикасының Милли музеенда театр сәнгате тарихына кагылышлы шактый бай фондлар саклана. 2015 елда анда тагын бер уникаль экспонат – танылган режиссер Марсель Сәлимҗановка бирелгән “Алтын маска” өстәлде. Рәсәй Федерациясенең халык артисты, Г.Камал исемендәге Академия театрының баш режиссеры М.Х.Сәлимҗанов әлеге мәртәбәле бүләкне 2001 елда, “Намус һәм дәрәҗә” (“За честь и достоинство”) номинациясендә ала. Бөек шәхеснең “Алтын маска”сы югары мәдәни – тарихи һәм мемориаль бәягә ия.
Музей коллекцияләрен популярлаштыру һәм хезмәттәшлек элемтәләрен ныгыту максатыннан Г.Камал исемендәге театр белән берлектә Милли музей “Бер экспонат”дип исемләнгән күчерелмә күргәзмә цикллары оештыра.
Марсель Сәлимҗановның “Алтын маска”сы Минзәлә татар дәүләт драма театры музеенда 5, 6, 7 майларда киң җәмәгатьчелеккә күрсәтеләчәк.Сәгать 9.00 – 16.00 кадәр теләгән һәркем “Алтын маска”ны карап ,аның янында фотога төшә ала.Татарстан Республикасы вәкилләреннән тагын бары тик өч кешегә - Рус яшьләр театры коллектиивына“Буря” спектакле өчен (режиссеры Б.Цейтлин), Татарстанның беренче Президенты Минтимер Шәймиевка “Татар театры сәнгатен үстерүдәге казанышлары өчен”, Г.Камал исемендәге театр артисты Ринат Таҗетдиновка “Театр сәнгатенә тугрылык өчен” бирелгән әлеге зур бүләкне күрми калмагыз!
90 яшьтә дә елмаеп тору – ул зур бәхет [ 02.04.2016 ]
1апрель көнне РФнең атказанган артисткасы, Минзәлә театры ветераны Нәсимә ханым Җиһаншина 90 яшьлек юбилеен билгеләп уза. Шул уңайдан Минзәлә муниципаль район башлыгы урынбасары Камил Нәҗмиев, С.Өметбаев исемендәге Минзәлә татар дәүләт драма театры директоры Роберт Шәймәрданов, баш режиссер Дамир Самерханов, Нәсимә ханым белән театрда бергә эшләгән хезмәттәшләре Венера Нигъматуллина, Рәзилә Муллина һәм Денис Иванов юбилярны өенә барып тәбрик иттеләр.
Хөрмәтле Нәсимә Мансуровна! [ 01.04.2016 ]
С.Өметбаев исемендәге Минзәлә татар дәүләт драма театры дирекциясе һәм коллективы исеменнән Сезне зур юбилеегыз уңаеннан кайнар котлыйбыз! Тормыш киңлекләрендә үз биеклеген, үз кыйбласын табып, шул юнеләштән тайпылмыйча очкан, кыю адымнар белән иҗат иткән үзенчәлекле, дистә меңләгән тамашачыларның мзхәббәтен казанган яраткан, тирән хөрмәт иткән артисткабыз Сез безнең! Бүгенге 90 яшьлек юбилеегыз көнендә Сезгә барлык изге теләкләребезне юллап саулык -сәламәтлек, яхшы кәеф телибез. Күңелегез һәрвакыт көр, таңнарыгыз гел кояшлы булсын!
Режиссер – Зиннур Сөләйманов
Рәссам – Альберт Нестеров, Башкортостан Республикасының атказанган сәнгатъ эшлеклесе, “Алтын битлек” милли театраль премиясе лауреаты
Композитор – Ришат Сагитов, Башкортостан Республикасының атказанган сәнгатъ эшлеклесе
Пластика буенча режиссер – Чулпан Аскарова, Башкортостан Республикасының атказанган артисты
Ут кую буенча рәссам – Илшат Сәяхов
Өяз шәһәрендә ыгы –зыгы: Петербургтан ревизор килә,инкогнито! Җитмәсә, яшерен йомыш белән! Очраклы рәвештә , кунакханәдә атна буена түләмичә яшәгән җилбәзәк егет Иван Александрович Хлестаковны ревизор дип белеп,шәһәр чиновниклары аңа төрлечә ялагайланалар, ярарга тырышалар. Һәммәсеннән акчалата ришвәт җыеп, ялган ревизор ялган вәгъдәләр бирергә өлгерә. Азактан чын ревизор килгәнлеге турында хәбәр геройларны телсез күренештә катып калырга мәҗбүр итә.
Режиссер – Баатр Колаев , Калмык Республикасының атказанган сәнгатъ эшлеклесе
Рәссам – Валерий Яшкулов, РФнең һәм Калмык Республикасының атказанган сәнгатъ эшлеклесе
Композитор – Олег Чебодаев, Хакас Республикасының атказанган сәнгатъ эшлеклесе
Хореограф – Нурбәк Батуллин, РФнең “Алтын битлек” милли театраль премиясе лауреаты
1914 ел. Вакыйгалар татар авылында бара. Сәрвәр белән Исмәгыйль – бер-берсен сөюче яшьләр. Исмәгыйль, шулай ук Сәрвәргә гашыйк мулла улы Надир-мәхдүмгә хезмәт итә.Белемле, игелекле кеше булса да, Надир-мәхдүм табигать тарафыннан рәнҗетелгән бөкре, ямьсез кыяфәтле.Сәрвәр Надир-мәхдүмнең яучысын кире бора.
Авыл егетләрен, шул исәптән Исмәгыйльне дә, сугышка алырга дигән фәрман килә.Сәрвәр сөйгәнен сугыштан калдырырга дип бераз гарипләндерер өчен дару сатып алып аның колагына сала. Ул дарудан Исмәгыйль үлә, Сәрвәр акылыннан яза, соңрак үлә. Хәсрәтеннән, тормыш ямен югалтып, Надир-мәхдүм дә бакый дөньяга күчә.
Режиссер-постановщик – Дамир Самерханов, лауреат премии имени Д.Сиразиева
Художник - Валерий Яшкулов, заслуженный деятель искусств Российской Федерации и Республики Калмыкия
Композитор - Гульназ Закирова
Хореограф – Миляуша Мусина
Тексты песен - Фарит Миргалимов
Какими светлыми и наивными были 60 е годы прошлого столетия. Все мечты людей лишь о благе: родной деревни, города, страны, Родины. Однако и в те времена среди людей существовали разные недостатки: человеческая глупость, высокомерие и невежество. А самое главное - каждый человек должен быть на своем месте.
Спектакль «Черноокие девушки»- эта история о неравнодушной телефонистке Фирдавес и приехавшем из города самовлюбленном начальнике почты Мауланжане. Желая подняться по карьерной лестнице, он начинает гонку за высокими показателями плана и даже пытается отложить колхозную уборку хлеба . Прибегая к разным уловкам, отвлекая и вводя заблуждение нового начальника почты, молодая и очень настойчивая Фирдавес, смогла отстоять совершенно новаторские идеи молодых трактористов и интересы всего колхоза.
