Яңалыклар

Яңа сезонга планнар

С.Өметбаев исемендәге Минзәлә татар дәүләт драма театры 84нче иҗади сезонына аяк баса. Премьералар берсеннән- берсе кызыклы. М.Кәримнең “Кыз урлау”музыкаль комедиясе белән (режиссеры Байрас Ибраһимов) сезон ачылачак. З.Хөсниярның “Кайту” драмасын режиссер Эдуард Шахов сәхнәләштерә. Э.Т.А.Гофманның “Щелкунчик» әкиятенең режиссеры Санкт-Петербургтан Евгения Богинская, балетмейстеры Нурбәк Батулла. Әлеге өч әсәр “Кече шәһәр театрлары” федераль программасы кысаларында чыга.
Режиссер Дамир Сәмерханов М.Шамхаловның “Кайнана” комедиясен сәхнәгә куя.

“Большие гастроли» федераль программмасы буенча 4-10 октябрьдә Ульяновск, Волгоград, Астрахань, Дагыстан республикасының башкаласы Махачкала шәһәрләрендә Х.Җәвиднең “Иблис” трагедиясе, Г.Тукайның “Тапкыр Кәҗә турында әкият” е белән гастрольләр уза. 22-23 октябрьдә Мәскәүдә «Москонцерт Холл»да М.Кәримнең “Кыз урлау”, Х.Җәвиднең “Иблис” әсәрләре күрсәтелә.

Татарстанның халык артисты Венера Нигъмәтуллинаның юбилей кичәсе ноябрь аена планлаштырылган.

Ч.Айтматовның “Ак пароход” әсәрен режиссер Эдуард Шахов сәхнәгә куячак.

Россиядә игълан ителгән “Театр елы” уңаеннан Минзәлә шәһәре һәм районы буенча оештырылган театр фестиваленең йомгаклау этабы зурлап уздырылачак.

Нурсибә Адиева, театрның әдәби бүлеге мөдире | 12.09.2019
  • Премьералар
  • Э.Т.А.Гофман "Щелкунчик" балалар өчен әкият 6+

    Режиссёр – Евгения Богинская Хореограф – Нурбәк Батуллин, Россия Федерациясенең “Алтын битлек” милли театраль премиясе лауреты Рәссам – Ильшат Вильданов Без сезгә батырлык һәм гайрәтлелек, караңгыдан һәм тычканнардан курыкмаган балалар турында сөйләячәкбез. Төп героиня, Мәрьям, исем атасы (крёстный) Дросселмер сөйли торган могҗизалы әкият дөньясына эләгә. "Син генә Щелкунчикны саклап кала аласың – нык һәм тугрылыклы бул». Гофман әкиятенең тылсымлы дөньясы спектакльнең ике сюжет линиясендә тәкъдим ителгән. Төп сюжет линиясе булып Мәрьям һәм Щелкунчик тарихы тора. Өстәмә линия-Пирлипат принцессасы тарихы. Спектакль өчен үзенчәлекле сценарий язылды, ул пластик күренешләрдән һәм кыска диалоглардан гыйбарәт. Спектакльнең тукымасы тынлыктан, җырлардан, шакулардан, хәрәкәтләрдән, йөгерүдән, төрле сулыш алулардан, курку һәм аны җиңү моментларыннан эшләнгән.

  • М.Башкиров "Салкын Кын" трагедия 16+

    Режиссер – Сергей Потапов,Саха республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреты Рәссам – Валерий Яшкулов, Россия Федерациясенең һәм Калмык республикасының атказанган сәнгать эшлеклесе Пластика һәм хореография буенча режиссер –Нурбәк Батуллин, Россия Федерациясенең “Алтын битлек” милли театраль премиясе лауреты Тәрҗемәче – Ркаил Зәйдулла,Татарстан республикасының атказанган сәнгать эшлеклесе, Г.Тукай исемендәге Дәүләт премиясе лауреаты Кылычны кыныннан суырып алуы җиңел. Ул көч-кодрәт, хакимлек, байлык, башкалардан өстенлек бирә. Ләкин күпмедер вакыттан соң син кылыч белән түгел, ә кылыч синең белән идарә итә башларга , дошманыңа гына түгел, иң якын кешеләреңә зыян салырга мөмкин. Вакытында кылычның кынын табып, аны урынына салырга ихтыяр көчең җитәрме, адәм баласы?!

  • Н.Гоголь «Ревизор» комедия 12+

    Режиссер – Зиннур Сөләйманов Рәссам – Альберт Нестеров, Башкортостан Республикасының атказанган сәнгатъ эшлеклесе, “Алтын битлек” милли театраль премиясе лауреаты Композитор – Ришат Сагитов, Башкортостан Республикасының атказанган сәнгатъ эшлеклесе Пластика буенча режиссер – Чулпан Аскарова, Башкортостан Республикасының атказанган артисты Ут кую буенча рәссам – Илшат Сәяхов Өяз шәһәрендә ыгы –зыгы: Петербургтан ревизор килә,инкогнито! Җитмәсә, яшерен йомыш белән! Очраклы рәвештә , кунакханәдә атна буена түләмичә яшәгән җилбәзәк егет Иван Александрович Хлестаковны ревизор дип белеп,шәһәр чиновниклары аңа төрлечә ялагайланалар, ярарга тырышалар. Һәммәсеннән акчалата ришвәт җыеп, ялган ревизор ялган вәгъдәләр бирергә өлгерә. Азактан чын ревизор килгәнлеге турында хәбәр геройларны телсез күренештә катып калырга мәҗбүр итә.

  • Дуслар

 

 

 


 

 

 

  • Сораштыру