Яңалыклар

Театрлар Сабантуе гөрләде

Ялгыш түгел, август азагында да Сабантуй була ул. Бу елны Теләчедә республиканың театрлары Сабантуе узды. Минзәлә театры, һәрвакыттагыча,актив һәм призлы урыннарны иң күп алучылар рәтендә.

I урыннарны :

татарча көрәш буенча 80килограммнан авыррак үлчәүдә артист Нәфис Гайфуллин,

татарча көрәш буенча 80килограммнан авыррак үлчәүдә артист Илназ Хисмәтуллин

таяк тартышу буенча А.Фәррахова,

аркан тартышу буенча хатын-кызлар командасы :Р.Егорова. Э.Хәйретдинова,А.Фәррахова, Г.Шәймәрданова, Ф.Хәбирова,

II урыннарны :

көянтә-чиләк белән йөгерүдә И.Халиков,

капчык киеп йөгерүдә Д.Кәримуллина,

аркан тартышу буенча ир-атлар командасы:Д.Нуриев, И.Хисмәтуллин, Р.Нуриәхмәтов,Р.Хафизов,И. Халиков, яулады.

Абсолют батыр өчен көрәшкән артистыбыз Нәфис Гайфуллин бер адымга Теләчедә узган Сабантуйда көрәшкән Тинчурин театры артисты , Теләче егете Алмаз Фәтхуллинга оттырды. Ярыш шулай инде, егетләребезнең машина отарлык потенциалы бар, югыйсә.

Башка еллардан аермалы буларак, һәр театрдан берничә артист, бездән Татарстанның халык артистлары Венера Нигмәтуллина, Рәзилә Муллина, Хафиз Хамматуллиннар аерым чәй өстәле янында тамашачылар, театр сөючеләр белән аралашты, фотоларга төште. Шулпа пешереп, самоварда чәй кайнатып, ашап- эчеп, күңел ачып кайтты театр коллективы.

Район хакимияте башлыгы А.Ф.Салахов һәм район башкарма комитеты рәисе К.Р. Нәҗмиев исеменнән бүләк ителгән сарыктан тәмле итеп хашлама пешереп барыбыз да сыйландык. Отпусктан соң тагын бер ял итеп алу эшкә дәрт кенә өстәде.

Нурсибә Адиева, театрның әдәби бүлеге мөдире | 20.08.2019
  • Премьералар
  • М.Шамхалов "Кайнана" музыкаль комедия 12+

    Режиссер – Дамир Самерханов,Д.Сираҗиев исемендәге премия лауреаты Рәссам – Ленар Гыйльметдинов, ТРның атказанган сәнгать эшлеклесе Композитор – Азат Хөсәенов, ТРның атказанган сәнгать эшлеклесе Хореограф – Илдус Биктаһиров, ТРның атказанган мәдәният хезмәткәре Җыр сүзләренең авторы – Фәрит Миргалимов Без еш кына гади хакыйкәтьне онытабыз: булганын сакламыйбыз, ә югалткач елыйбыз. Һәрвакыт гаиләләрдә бер-берсенә җайлашулар була, ике хатын-кыз да – әнисе дә, хатыны да бер үк ир-атны ярата. Спектакльдә конфликтның бер ягы - улы Аязга гомер бүләк иткән әнисе, ә икенче ягы - яшь килене Сәгыйдә. Җәннәт беренче көннәрдән үк киленен кабул итми. Шуңа күрә теләсә нинди сәбәп эзләп яшь киленгә бәйләнә. Өметсезләнеп, Сәгыйдә ире өеннән китә. Тик бәхеткә, дуслары, Илдар белән Зарифа хәйлә белән гаиләне коткарып кала. Өйгә, янәдән, татулык, шатлык кайта.

  • М.Карим "Кыз урлау" музыкаль комедия 12+

    Режиссер – Байрас Ибраһимов,ТРның һәм БРның атказанган сәнгать эшлеклесе, Д.Сираҗиев исемендәге премиясе лауреаты Рәссам – Рөстәм Баймөхәммәтов Костюмнар буенча рәссам – Алия Бәйрәмголыва Композитор – Илшат Яхин,БРның атказанган сәнгать эшлеклесе Хореограф – Чулпан Әскәрова, БРның атказанган артисты Эх, яшь чаклар! Нинди гүзәл, рәхәт, гайрәтле вакытлар! Әҗмәгол агай кебек тагын бераз “батырлык”лар өстәп тә сөйләп җибәрсәң, яшь егет- җилкенчәкнең күңеленә “оеткы” салып та куйсаң! Бүген авылда Сабан туе! Әҗмәгол агайның хикәятләре белән канатланган гаярь егет Котлыәхмәт, үзе кебек кыю егетләр белән сөйләшеп авылның беренче чибәрен урлап алып кайтырга ниятли. Тик кәләш диеп урлап алып кайтканы.. юк, мондый борылышны һич көтмәгән иде Котлыәхмәт.

  • Э.Т.А.Гофман "Щелкунчик" балалар өчен әкият 6+

    Режиссёр – Евгения Богинская Хореограф – Нурбәк Батуллин, Россия Федерациясенең “Алтын битлек” милли театраль премиясе лауреты Рәссам – Ильшат Вильданов Без сезгә батырлык һәм гайрәтлелек, караңгыдан һәм тычканнардан курыкмаган балалар турында сөйләячәкбез. Төп героиня, Мәрьям, исем атасы (крёстный) Дросселмер сөйли торган могҗизалы әкият дөньясына эләгә. "Син генә Щелкунчикны саклап кала аласың – нык һәм тугрылыклы бул». Гофман әкиятенең тылсымлы дөньясы спектакльнең ике сюжет линиясендә тәкъдим ителгән. Төп сюжет линиясе булып Мәрьям һәм Щелкунчик тарихы тора. Өстәмә линия-Пирлипат принцессасы тарихы. Спектакль өчен үзенчәлекле сценарий язылды, ул пластик күренешләрдән һәм кыска диалоглардан гыйбарәт. Спектакльнең тукымасы тынлыктан, җырлардан, шакулардан, хәрәкәтләрдән, йөгерүдән, төрле сулыш алулардан, курку һәм аны җиңү моментларыннан эшләнгән.

  • Дуслар

 

 

 


 

 

 

  • Сораштыру