Яңалыклар

Хөрмәтле артистыбы юбилее


Соңгы елларда Минзәлә театры ерак җирләргә фестивальләргә, гастрольләргә еш йөри. Кайда гына булсак та без Минзәләнең исемен танытабыз. Кечкенә генә шәһәрдә инде 83 ел иҗат иткән театрның даны еракларга җитте.

Чишмә башына кайтып, шушы көннәрдә 95 (!) яшен тутырган, бүгенге көндә Яр Чаллы шәһәрендә гомер кичерүче фидакарь артистыбыз , Чулпан авылы кызы Җиһан Сәлимованы олуг юбилее белән котлап кайттык. Районыбызның Чулпан авылы - артистларыбыз Рәшит Мәрдеханов, Сәгъдәнур Шәймәрданованы да биргән авыл. Җиһан ханым кызы Гөлсинә тәрбиясендә яши, ишек төбеннән балкып үзе безне каршы алды. Артистлар Венера Нигъмәтуллина, Рәзилә Муллина, музей мөдире Илһамия Кичубаеваны танып исәнләшеп, барчабызны түргә чакырды. Чын артист 95 яшендә дә артист булып кала – калфаклар киеп куйган, медальләрен таккан, матур, итагатьле итеп сөйләшә.Ю.Әминовның “Язылмаган законнар”ында Җәмилә,К.Тинчуринның “Зәңгә шәл”ендә Сабира,А.Островскийның “Бирнәсез кыз”ында Огудалова,М.Фәйзинең “Галиябану”ында яучы карчык һәм башка бик күп рольләр уйнаган, үз чорының барлык авырлыкларын уфтанмый кичергән Җиһан ханым Сәлимованың хезмәте, һичшиксез, бары хөрмәткә лаек. Ире Рәкыйп абый театрда администратор булып эшләгән (инде мәрхүм) , Гөлсинә һәм Рөстәм исемле ике бала тәрбияләп үстергәннәр. Җиһан апага оныкларының балалары – оныкчыкларын да күрергә насыйп булган. Театрның тере тарихы булган артистыбызны күреп , аралашып кайту йөрәккә сары май булып ятты.Үзе дә 71 яшенә җитеп, әнисен шулкадәр яратып, тәрбияләп караган Гөлсинә ханымга саулык – сәламәтлек телибез.

Н.Адиева, театрның әдәби бүлеге мөдире | 23.01.2019
  • Премьералар
  • М.Башкиров "Салкын Кын" трагедия 16+

    Режиссер – Сергей Потапов,Саха республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреты Рәссам – Валерий Яшкулов, Россия Федерациясенең һәм Калмык республикасының атказанган сәнгать эшлеклесе Пластика һәм хореография буенча режиссер –Нурбәк Батуллин, Россия Федерациясенең “Алтын битлек” милли театраль премиясе лауреты Тәрҗемәче – Ркаил Зәйдулла,Татарстан республикасының атказанган сәнгать эшлеклесе, Г.Тукай исемендәге Дәүләт премиясе лауреаты Кылычны кыныннан суырып алуы җиңел. Ул көч-кодрәт, хакимлек, байлык, башкалардан өстенлек бирә. Ләкин күпмедер вакыттан соң син кылыч белән түгел, ә кылыч синең белән идарә итә башларга , дошманыңа гына түгел, иң якын кешеләреңә зыян салырга мөмкин. Вакытында кылычның кынын табып, аны урынына салырга ихтыяр көчең җитәрме, адәм баласы?!

  • Н.Гоголь «Ревизор» комедия 12+

    Режиссер – Зиннур Сөләйманов Рәссам – Альберт Нестеров, Башкортостан Республикасының атказанган сәнгатъ эшлеклесе, “Алтын битлек” милли театраль премиясе лауреаты Композитор – Ришат Сагитов, Башкортостан Республикасының атказанган сәнгатъ эшлеклесе Пластика буенча режиссер – Чулпан Аскарова, Башкортостан Республикасының атказанган артисты Ут кую буенча рәссам – Илшат Сәяхов Өяз шәһәрендә ыгы –зыгы: Петербургтан ревизор килә,инкогнито! Җитмәсә, яшерен йомыш белән! Очраклы рәвештә , кунакханәдә атна буена түләмичә яшәгән җилбәзәк егет Иван Александрович Хлестаковны ревизор дип белеп,шәһәр чиновниклары аңа төрлечә ялагайланалар, ярарга тырышалар. Һәммәсеннән акчалата ришвәт җыеп, ялган ревизор ялган вәгъдәләр бирергә өлгерә. Азактан чын ревизор килгәнлеге турында хәбәр геройларны телсез күренештә катып калырга мәҗбүр итә.

  • К.Тинчурин “Сүнгән йолдызлар” (“Угасшие звезды”) музыкаль драма 12+

    Режиссер – Баатр Колаев , Калмык Республикасының атказанган сәнгатъ эшлеклесе Рәссам – Валерий Яшкулов, РФнең һәм Калмык Республикасының атказанган сәнгатъ эшлеклесе Композитор – Олег Чебодаев, Хакас Республикасының атказанган сәнгатъ эшлеклесе Хореограф – Нурбәк Батуллин, РФнең “Алтын битлек” милли театраль премиясе лауреаты 1914 ел. Вакыйгалар татар авылында бара. Сәрвәр белән Исмәгыйль – бер-берсен сөюче яшьләр. Исмәгыйль, шулай ук Сәрвәргә гашыйк мулла улы Надир-мәхдүмгә хезмәт итә.Белемле, игелекле кеше булса да, Надир-мәхдүм табигать тарафыннан рәнҗетелгән бөкре, ямьсез кыяфәтле.Сәрвәр Надир-мәхдүмнең яучысын кире бора. Авыл егетләрен, шул исәптән Исмәгыйльне дә, сугышка алырга дигән фәрман килә.Сәрвәр сөйгәнен сугыштан калдырырга дип бераз гарипләндерер өчен дару сатып алып аның колагына сала. Ул дарудан Исмәгыйль үлә, Сәрвәр акылыннан яза, соңрак үлә. Хәсрәтеннән, тормыш ямен югалтып, Надир-мәхдүм дә бакый дөньяга күчә.

  • Дуслар

 

 

 


 

 

 

  • Сораштыру