Яңалыклар

Ике бәйрәмне – бергә

С.Өметбаев исемендәге Минзәлә татар дәүләт драма театры 23 февраль һәм 8 март бәйрәмнәрен кышкы сабантуй форматында “Лесной” чишмәсе буенда уздырды.

Сабантуйга хас ярышлар: кашыкка йомырка салып йөгерү, канат тарту, армрестлинг, чүлмәк вату белән берлектә кышкы уен төрләре: чаңгы ярышлары, чанада бер – береңне тартып йөгерү ярышлары уздырылды. Учакта кайнар шулпа пеште, купатылар кыздырылды, үләннәр белән хуш исле чәй гөжләп утырды.

Коллективның профсоюз комитеты оештырган бәйрәмнең җиңүчеләре булып чаңгы ярышларында хатын-кызлар арасында:

I урында Зөлфирә Шәмсетдинова

II урында Раушания Галиуллина

III урында Сөмбел Шәмсетдинова

Ирләр арасында:

I урында Илназ Хисмәтуллин

II урында Дамир Сәмерханов

III урында Әнәс Нуретдинов

Канат тартышуда хатын – кызлар командасы: Гөлфәния Шәймәрданова Гөлназ Биктаһирова Алия Жаркова Инга Юпаева Нина Галиева

Ирләр командасы: Дамир Сәмерханов Илназ Хисмәтуллин Ильяс Закиров Рифат Хафизов Рөстәм Зиннуров җиңде.

Чүлмәкне артист Илназ Хисмәтуллин гына вата алды.

Армрестлингта хатын – кызлар арасында:

I урында Айгөл Фәррахова

II урында Зөлфирә Шәмсетдинова

III урында фәнзилә Хәбирова

Ир- атлар арасында:

I урында Рөстәм Нуриәхмәтов

II урында Ильяс Закиров

III урында Рифат Хафизов призлы урыннар яулады.

Саф һавада рәхәтләнеп уйнап - көлеп ял итеп кайттык.

Нурсибә Адиева, театрның әдәби бүлеге мөдире | 05.03.2018
  • Премьералар
  • М.Башкиров "Салкын Кын" трагедия 16+

    Режиссер – Сергей Потапов,Саха республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреты Рәссам – Валерий Яшкулов, Россия Федерациясенең һәм Калмык республикасының атказанган сәнгать эшлеклесе Пластика һәм хореография буенча режиссер –Нурбәк Батуллин, Россия Федерациясенең “Алтын битлек” милли театраль премиясе лауреты Тәрҗемәче – Ркаил Зәйдулла,Татарстан республикасының атказанган сәнгать эшлеклесе, Г.Тукай исемендәге Дәүләт премиясе лауреаты Кылычны кыныннан суырып алуы җиңел. Ул көч-кодрәт, хакимлек, байлык, башкалардан өстенлек бирә. Ләкин күпмедер вакыттан соң син кылыч белән түгел, ә кылыч синең белән идарә итә башларга , дошманыңа гына түгел, иң якын кешеләреңә зыян салырга мөмкин. Вакытында кылычның кынын табып, аны урынына салырга ихтыяр көчең җитәрме, адәм баласы?!

  • Н.Гоголь «Ревизор» комедия 12+

    Режиссер – Зиннур Сөләйманов Рәссам – Альберт Нестеров, Башкортостан Республикасының атказанган сәнгатъ эшлеклесе, “Алтын битлек” милли театраль премиясе лауреаты Композитор – Ришат Сагитов, Башкортостан Республикасының атказанган сәнгатъ эшлеклесе Пластика буенча режиссер – Чулпан Аскарова, Башкортостан Республикасының атказанган артисты Ут кую буенча рәссам – Илшат Сәяхов Өяз шәһәрендә ыгы –зыгы: Петербургтан ревизор килә,инкогнито! Җитмәсә, яшерен йомыш белән! Очраклы рәвештә , кунакханәдә атна буена түләмичә яшәгән җилбәзәк егет Иван Александрович Хлестаковны ревизор дип белеп,шәһәр чиновниклары аңа төрлечә ялагайланалар, ярарга тырышалар. Һәммәсеннән акчалата ришвәт җыеп, ялган ревизор ялган вәгъдәләр бирергә өлгерә. Азактан чын ревизор килгәнлеге турында хәбәр геройларны телсез күренештә катып калырга мәҗбүр итә.

  • К.Тинчурин “Сүнгән йолдызлар” (“Угасшие звезды”) музыкаль драма 12+

    Режиссер – Баатр Колаев , Калмык Республикасының атказанган сәнгатъ эшлеклесе Рәссам – Валерий Яшкулов, РФнең һәм Калмык Республикасының атказанган сәнгатъ эшлеклесе Композитор – Олег Чебодаев, Хакас Республикасының атказанган сәнгатъ эшлеклесе Хореограф – Нурбәк Батуллин, РФнең “Алтын битлек” милли театраль премиясе лауреаты 1914 ел. Вакыйгалар татар авылында бара. Сәрвәр белән Исмәгыйль – бер-берсен сөюче яшьләр. Исмәгыйль, шулай ук Сәрвәргә гашыйк мулла улы Надир-мәхдүмгә хезмәт итә.Белемле, игелекле кеше булса да, Надир-мәхдүм табигать тарафыннан рәнҗетелгән бөкре, ямьсез кыяфәтле.Сәрвәр Надир-мәхдүмнең яучысын кире бора. Авыл егетләрен, шул исәптән Исмәгыйльне дә, сугышка алырга дигән фәрман килә.Сәрвәр сөйгәнен сугыштан калдырырга дип бераз гарипләндерер өчен дару сатып алып аның колагына сала. Ул дарудан Исмәгыйль үлә, Сәрвәр акылыннан яза, соңрак үлә. Хәсрәтеннән, тормыш ямен югалтып, Надир-мәхдүм дә бакый дөньяга күчә.

  • Дуслар

 

 

 


 

 

 

  • Сораштыру