Яңалыклар

Җиңүчеләр ачыкланды

5-7 апрель көннәрендә театрда Халык театрларының «Идел-йорт» 13  нче Республика фестиваленең  зона туры булып узды.
  Мөслим Районы мәдәният йорты татар халык театры артисты Гүзәл Фахразиева Туфан Миңнуллинның  “Диләфрүзгә дүрт кияү” музыкаль комедиясендә Саҗидә ролен башкарып “Дебют” номинациясендә җиңеп чыкты.
      Мөслим Районы мәдәният йорты татар халык театры артисты Ильшат Галиев Туфан Миңнуллинның  “Диләфрүзгә дүрт кияү” музыкаль комедиясендә Шәкүр ролен башкарып “Тамашачы мәхәббәте” номинациясендә җиңде.
    Актаныш районы Сәфәр авылы мәдәният йорты татар халык театры артисты Әлфис Әхмәтшәрипов Рузилә Җамалиеваның  “Изге имән шаһит” мелодрамасында Самат ролен уйнап “Иң яхшы ир-ат роле” номинациясендә җиңде.   
    Актаныш районы Сәфәр авылы мәдәният йорты татар халык театры артисты Альберт Илдаров Әхмәтшәрипов Рузилә Җамалиеваның  “Изге имән шаһит” мелодрамасында Шәкүр бабай ролен башкарып “Икенче пландагы иң яхшы ир-ат роле” номинациясендә җиңеп чыкты.
  Сарман  районы мәдәният йорты татар халык драма театры  артисты Аэлита Тимергалина Нәбирә Гыйматдинованың “Елан” драмасында Фәһимә ролен уйнап “Иң яхшы хатын-кыз роле” номинациясендә җиңде.  Сарман  районы мәдәният йорты татар халык драма театры  артисты  Энҗе Шәехова Нәбирә Гыйматдинованың “Елан” драмасында Шәфкать туташы ролен башкарып “Икенче пландагы иң яхшы хатын-кыз роле”  номинациясендә җиңеп чыкты.

 

--- | 23.04.2013
  • Премьералар
  • Э.Т.А.Гофман "Щелкунчик" балалар өчен әкият 6+

    Режиссёр – Евгения Богинская Хореограф – Нурбәк Батуллин, Россия Федерациясенең “Алтын битлек” милли театраль премиясе лауреты Рәссам – Ильшат Вильданов Без сезгә батырлык һәм гайрәтлелек, караңгыдан һәм тычканнардан курыкмаган балалар турында сөйләячәкбез. Төп героиня, Мәрьям, исем атасы (крёстный) Дросселмер сөйли торган могҗизалы әкият дөньясына эләгә. "Син генә Щелкунчикны саклап кала аласың – нык һәм тугрылыклы бул». Гофман әкиятенең тылсымлы дөньясы спектакльнең ике сюжет линиясендә тәкъдим ителгән. Төп сюжет линиясе булып Мәрьям һәм Щелкунчик тарихы тора. Өстәмә линия-Пирлипат принцессасы тарихы. Спектакль өчен үзенчәлекле сценарий язылды, ул пластик күренешләрдән һәм кыска диалоглардан гыйбарәт. Спектакльнең тукымасы тынлыктан, җырлардан, шакулардан, хәрәкәтләрдән, йөгерүдән, төрле сулыш алулардан, курку һәм аны җиңү моментларыннан эшләнгән.

  • М.Башкиров "Салкын Кын" трагедия 16+

    Режиссер – Сергей Потапов,Саха республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреты Рәссам – Валерий Яшкулов, Россия Федерациясенең һәм Калмык республикасының атказанган сәнгать эшлеклесе Пластика һәм хореография буенча режиссер –Нурбәк Батуллин, Россия Федерациясенең “Алтын битлек” милли театраль премиясе лауреты Тәрҗемәче – Ркаил Зәйдулла,Татарстан республикасының атказанган сәнгать эшлеклесе, Г.Тукай исемендәге Дәүләт премиясе лауреаты Кылычны кыныннан суырып алуы җиңел. Ул көч-кодрәт, хакимлек, байлык, башкалардан өстенлек бирә. Ләкин күпмедер вакыттан соң син кылыч белән түгел, ә кылыч синең белән идарә итә башларга , дошманыңа гына түгел, иң якын кешеләреңә зыян салырга мөмкин. Вакытында кылычның кынын табып, аны урынына салырга ихтыяр көчең җитәрме, адәм баласы?!

  • Н.Гоголь «Ревизор» комедия 12+

    Режиссер – Зиннур Сөләйманов Рәссам – Альберт Нестеров, Башкортостан Республикасының атказанган сәнгатъ эшлеклесе, “Алтын битлек” милли театраль премиясе лауреаты Композитор – Ришат Сагитов, Башкортостан Республикасының атказанган сәнгатъ эшлеклесе Пластика буенча режиссер – Чулпан Аскарова, Башкортостан Республикасының атказанган артисты Ут кую буенча рәссам – Илшат Сәяхов Өяз шәһәрендә ыгы –зыгы: Петербургтан ревизор килә,инкогнито! Җитмәсә, яшерен йомыш белән! Очраклы рәвештә , кунакханәдә атна буена түләмичә яшәгән җилбәзәк егет Иван Александрович Хлестаковны ревизор дип белеп,шәһәр чиновниклары аңа төрлечә ялагайланалар, ярарга тырышалар. Һәммәсеннән акчалата ришвәт җыеп, ялган ревизор ялган вәгъдәләр бирергә өлгерә. Азактан чын ревизор килгәнлеге турында хәбәр геройларны телсез күренештә катып калырга мәҗбүр итә.

  • Дуслар

 

 

 


 

 

 

  • Сораштыру