Яңалыклар

Бөек Җиңүнең 70 еллыгына атап чыгарылган спектакль “Тилмереп дога көткәннәр”. Режиссеры Дамир Самерханов.

   Сабир Өметбаев исемендәге Минзәлә татар дәүләт драма театры  башкорт драматургы Рәлиф Кинҗәбаев әсәре буенча куелган “Тилмереп дога көткәннәр” драмасын Минзәлә тамашачыларына һәм республиканың театраль тәнкыйтьчеләренә күрсәтте. Әсәрне сәхнәгә театрның баш режиссеры Дамир Самерханов куйды, рәссамы ТРның  атказанган сәнгать эшлеклесе  Ленар Гыйльметдинов, композиторы ТРның атказанган сәнгать эшлеклесе  Юрий Чаплин. Театр әлеге авторның иҗатына икенче тапкыр мөрәҗәгать итә. 1999 елда аның “Айгырыңны үтечкә бир” комедиясе тамашачылар күңеленә хуш килгән иде. “Тилмереп дога көткәннәр” исә сугыш темасына багышланган, шуңа күрә аны театр Бөек Җиңүнең 70 еллыгына атап чыгарды. Театр тәнкыйтьчеләренең фикерләре төрлечә яңгыраса да артистлар уенына алар зур бәя бирделәр. Баш рольдә театрның  өметле артисты Ленар Миңнемуллин, рольләрдә ТРның халык артистлары Рәзилә һәм Рөстәм Муллиннар, Хафиз Хамматуллин, ТРның атказанган артисткасы Гөлшаһида Сәлахова, артистлар Әхнәф Исрафилов, Чулпан Бәдретдинова, Руслан Әхмәтҗанов, Ильяс Закиров, Илсинә Миңнемуллина  һәм башкалар.
    Сәхнә бизәлеше, музыка, артистларның яңа иҗат мөмкинлекләрен күрсәтүләре – болар барысы да спектакльнең, театрның һәм режиссерның зур уңышы.


                                     Нурсибә Адиева,
                                     Минзәлә театрының әдәби бүлеге мөдире







 

--- | 13.03.2014
  • Премьералар
  • У.Шекспир «Макбет» трагедия 12+

    Режиссер – Сергей Потапов, Саха Республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреаты Рәссам – сценограф – Валерий Яшкулов, РФнең һәм Калмыкия Республикасының атказанган сәнгать эшлеклесе Костюмнар буенча рәссам – Чулпан Азаматова Хореография һәм пластика буенча режисссер - Нурбәк Батуллин, Россия Федерациясенең “Алтын битлек” милли театраль премиясе лауреаты Король Дунканның данын яклап күп җиңүләргә ирешкән шотланд рыцаре Макбетка өч сихерче фал ача : аңа Шотландия короле булырга язган! Ялган фалга һәм шөһрәт сөюче хатынына ышанып Макбет король Дунканны үтерә, улларын бу үлемдә гаепле итеп калдыра. Яшь варислар илдән качарга мәҗбүр була. Соңрак якын дусты, киңәшчесе Банконы да яллап үтертә һәм тәхеткә утыра. Канлы юл белән властька ия булган җинаятьченең күңеле тыныч түгел, аның күзенә бертуктаусыз үзе үтерткән дуслары күренә. Принцлар да тик ятмый, Макбетның ялганын фаш итеп тәхеткә дәгъва кыла. Макбет белән леди Макбет бер-берсеннән артык дан-шөһрәт яратып тайгак юлдан китәләр һәм кылган җинаятьләр өчен җавап тоту инде котылгысыз...

  • М.Шамхалов "Кайнана" музыкаль комедия 12+

    Режиссер – Дамир Самерханов,Д.Сираҗиев исемендәге премия лауреаты Рәссам – Ленар Гыйльметдинов, ТРның атказанган сәнгать эшлеклесе Композитор – Азат Хөсәенов, ТРның атказанган сәнгать эшлеклесе Хореограф – Илдус Биктаһиров, ТРның атказанган мәдәният хезмәткәре Җыр сүзләренең авторы – Фәрит Миргалимов Без еш кына гади хакыйкәтьне онытабыз: булганын сакламыйбыз, ә югалткач елыйбыз. Һәрвакыт гаиләләрдә бер-берсенә җайлашулар була, ике хатын-кыз да – әнисе дә, хатыны да бер үк ир-атны ярата. Спектакльдә конфликтның бер ягы - улы Аязга гомер бүләк иткән әнисе, ә икенче ягы - яшь килене Сәгыйдә. Җәннәт беренче көннәрдән үк киленен кабул итми. Шуңа күрә теләсә нинди сәбәп эзләп яшь киленгә бәйләнә. Өметсезләнеп, Сәгыйдә ире өеннән китә. Тик бәхеткә, дуслары, Илдар белән Зарифа хәйлә белән гаиләне коткарып кала. Өйгә, янәдән, татулык, шатлык кайта.

  • М.Карим "Кыз урлау" музыкаль комедия 12+

    Режиссер – Байрас Ибраһимов,ТРның һәм БРның атказанган сәнгать эшлеклесе, Д.Сираҗиев исемендәге премиясе лауреаты Рәссам – Рөстәм Баймөхәммәтов Костюмнар буенча рәссам – Алия Бәйрәмголыва Композитор – Илшат Яхин,БРның атказанган сәнгать эшлеклесе Хореограф – Чулпан Әскәрова, БРның атказанган артисты Эх, яшь чаклар! Нинди гүзәл, рәхәт, гайрәтле вакытлар! Әҗмәгол агай кебек тагын бераз “батырлык”лар өстәп тә сөйләп җибәрсәң, яшь егет- җилкенчәкнең күңеленә “оеткы” салып та куйсаң! Бүген авылда Сабан туе! Әҗмәгол агайның хикәятләре белән канатланган гаярь егет Котлыәхмәт, үзе кебек кыю егетләр белән сөйләшеп авылның беренче чибәрен урлап алып кайтырга ниятли. Тик кәләш диеп урлап алып кайтканы.. юк, мондый борылышны һич көтмәгән иде Котлыәхмәт.

  • Дуслар
  • Сораштыру